عروس البحر: 2008

التاج تحت اقدام المدونين

تعلن مدونة عروس البحر ان جالها تاج و ده سبب غيابها عشان هي مكسلة ترد عليه

وده تاني تاج جالي

-----------------------------------------------------------------------------

مين اللي دبسك في التاج؟؟؟

برنسسا ويزبر

la princesa whisper

مدونة قطع السكر ...احيانا لا تحلي

اذكر القوانين المتعلقة بالواجب؟؟؟

اني احل الواجب و مشطبش كتير

اذكر سته اسرار لا يكتشفها من يقابللك اول مره؟؟؟

الاول اني بخيلة اول مرةممكن اعزم صحبتي عزومة جامدة تاني مره باكو لبان و خلاص

السر التاني اني رغايه و ده مش بيبان اول مرة

السر التالت اني مش نكدية

مش عارفة بقي ايه التلت اسرار التانين بصراحة

اذكر ستة عشر صفة عن نفسك؟؟؟؟

ستاشرصفة بحالهم

نبتدي بالعيوب

اني بنسي بسرعة

بخيلة

دقيقة اوي و ده مبيخلنيش افهم الناس صح

متطفلة بس عمري ما اتحشر بس في نيتي بكون عاوزة اعرف كل حاجة

متاشئمة جدا

الحاجات الكويسة اللي فيا

طموحة

عندي حيوية زايدة

صبورة و بؤمن اوي بالصبر(الصبر ثلاثة علي الطاعة و عن المعصية و علي المصيبة)و ده معني الصبر عندي

متحفظة

مخلصة

مش مغرورة

و انا مش انانية انا مش انانية (ايه ده حقلب علي ميريام فارس) ..هههههه

و الباقي انتوا قالوهم

مرر التاج لست اشخاص؟؟؟

مش عارفة امرر لمين

بس اللي اتمني اعرف اجاباتهم لو عايزين يردوا اوكي ولو مش عاوزين مفيش مشكلة

شهد الكلمات

دينا

بنوتة

صباح الصباح

و التاج تحت اقدام المدونين....... اتفضلوا

ربنا ياخد مخترع الهبل و سنينه

فاكرين ايام زمان كنا اكيد عندنا ذكريات

ذكريات هبلة و ذكريات حزينة و مؤلمة و ذكريات جميلة

انا بقي ححكلكيم عن ذكريات هبلة

الذكري الاولي

-----------------

كنت عندي تلت اربع سنين

اختي الصغيرة كانت اعدة تعيط و تصرخ

فقررت اني اهشكها و ادلعها

رحت عاملة ايه؟؟؟؟بذكائي حطيت اختي في الدرج و اعدت افتحه و اقفله افتحه و اقفله افتحه و اقفله

ماما شافتني و صوتت و راحت مطلعة اختي من الدرج بسرعة

و الحمدلله ربنا ستر

يا يعني يا ماما قلقتك

يا يعني يا اختي عذبتك

I AM SORRY MY SISTER

-----------------------------------------------------------------------------

الذكري الثانية

-----------------

كان عندي خمس سنين و كنت عيانة

و كنت باخد دوا لونه برتقالي فكنت فكراه عصير برتقالي

و كنت بحب اوي الدوا ده

رحت عملة ايه صحيت بالليل من ورا ماما و رحت اشرب الدوا كله

بس من حسن حظي انهم كانوا حبه صغييرين في الازازة

ياما كنت حموت

و بعدين اعدت اعيط و قولت لماما بطني بتوجعني اوي

قالت لي من ايه يا حبيبتي

قلت لها مش عارفة انا شربت الدوا و بطني وجعتني

ايه يا ماما الدوا اللي بيوجع البطن ده ؟؟حاجة غريبة

قلت لها انا شربته كله

ماما قالت دوا ايه

انا:البرتقالي يا ماما

ماما طبعا صوتت و تصرخ

و لقيت الدوا فاضي اخدتني علي المستشفي هي و بابا

I AM SORRY MY MOTHER

I AM SORRY MY FATHER

انا كنت هبلة اوي ياااااااااااااه

I AM SORRY

ربنا ياخد مخترع هبل و سنينه

قولوا امين

المنطق و ابو المنطق و المحشش و الكلب و الرقاصة

في محشش راح يستقبل ابن عمه من المطار

المهم وهم راجعين من المطار يسأله: انت بقالك عشر سنين في أمريكا.. كنت تدرس ايه؟؟؟

رد عليه صاحبه: كنت ادرس علم المنطق

قاله : ايه هو علم المنطق؟

رد عليه: صعبه اللي درسته بعشر سنوات اشرحه لك بساعة

بس انا حقوللك مثال على المنطق قاله اوكي

سأله ابو المنطق : انتوا عندكم كلب في البيت, صح؟

رد عليه: ايوا نعم عندنا

قاله: مش انتوا عندكم كلب اكيد انكم عملين له بيت في الحوش

رد عليه: صح عملين له بيت في الحوش

قاله : مادام انه عندكم حوش اكيد انكم عايشين في فيلا

رد عليه: صح إحنا عايشين في فيلا

قاله:ما دام انكم عايشين في فيلا اكيد ان ابوك غني

رد عليه: صح ابويا غني قاله: دام انه ابوك غني

اكيد ان امك تقعد في البيت ما تحتاج انها تشتغل رقاصةعلشان تجيب فلوس

رد عليه: صحيح امي قاعدة في البيت

قاله : هذا هو المنطق , انك تبني شيء علي شيء. من وجود الكلب في بيتكم استنتجنا ان امك مش ر قاصة

ردعليه المحشش: اهااااااااا هذا هو المنطق؟

المهم ... المحشش ده راح عند اصحابه بالليل يحب يتأنزح عليهم

قالهم ياشباب تعرفون ايه هو المنطق ؟

( رد واحد لا والله ما نعرف قال : انا اعلمكم (مسوي نفسه فاهم

سأل صاحبه: انتوا عندكم كلب في البيت ؟

رد عليه صاحبه : لا ما عندنا قاله :اذن امك رقاصة هههههههههههههههههههه

--------------------------------------------------------------------

ملحوظة: الضحك بصوت واطي

انتباه: الصوت العالي يسبب الطرش و يؤدي الي الوفاة

احترس: صحبة المدونة اللي هي انا عصبية و لا تحب الازعاج و برده تسبب الوفاة

السمع ايه؟؟؟؟

حوار بين عائلة ضعيفة السمع

الابن:عايز يا بابا خيار

الاب:الحقي يا ستي ابنك عايز دينار

الام:الحقي يا بنتي اخوكي بيلعب قمار

البنت:الحقي يا جده امي دخل في رجليها مسمار

الجده:هذا اللي ناقص عايزين تتطلعوني من الدار

الاستاذ حسن مدرس علوم وفى يوم من الايام كان بيشرح درس عن فوائد الحليب

وفي وسط الدرس لاحظ ان كريم اللى قاعد فى التخته الاخيره فى الركن نايم فنادى يا كريم يا كريم

طبعا حضرتك مش عارف احنا بنتكلم عن ايه

كريم : طبعا عارف يا باشا عن اللبن

الاستاذ حسن : جميل طيب تقدر تقلنا ازاى نقدر نحافظ على اللبن من التلوث؟؟؟

كريم : نخليه جوا البقره يا استاذ

الاستاذ حسن : طيب تقدر تقلنا 3 انواع من منتجات الالبان

كريم : طبعا اقدر جبنه بريزيدون وجبنه لافاشكرى وجبنه مممممممم

الاستاذ حسن : اسكت اسكت الله يخرب بيتك ولا اقلك كمل نوم

وبص الاستاذ للركن التانى لقى على مركز اوى معاه

الاستاذ حسن : وانت يا على ممكن تقلنا ازاى نقدر نثبت ان الاشياء بتتمدد بالحراره وتنكمش بالبروده؟؟

على : مثلا ... اليوم فى الصيف اطول من اليوم فى الشتا

الاستاذ حسن : اقعد الله يصلحلك حالك

الاستاذ حسن : بصو بقى احسن واحد فى الفصل هو سعيد

الاستاذ حسن : ها يا سعيد ( جيمس وات ) عمل ايه؟؟؟ لما شاف البخار بيطلع من الغلايه

سعيد : عمل شاى يا برنس

الاستاذ حسن سكت ووقف فى الشباك وهو وشو احمر وعلى اخرو

قام مرسى: يا استاذ يا استاذ شكلك متدايق جدا انا هقلك نكته تروق بيها دمك

الاستاذ حسن : قول يا سى مرسى

مرسى : مره استاذ علوم اتجوز خلف ولد سماه سامى اكسيد الكربون هههههههه ههههههه هههههههه

الاستاذ حسن : انت بتقول النكته وتضحك عليها

انت يابنى طيب هسالك سؤال الناس تقدر تعيش على الارض من غير اكسجين

مرسى : لا طبعا يا استاذ

الاستاذ حسن : جميل جدا سقفولو ... طيب وامتى اكتشفو الاكسجين

مرسى : 1773

الاستاذ حسن : برافوووووووووووو سقفولو تانى الله عليك يابنى والله انت اللى فيهم

مرسى : بس ازاى يا استاذ الناس كانت بتتنفس قبل ما يكتشفو الاكسجين
الاستاذ حسن جمع اوراقو وخرج من الفصل راح للمدير يقدم استقالتو

المدير : يا استاذ والله انا عذرك وموافق على الاستقاله بس قبل ما تمشى ممكن اسالك سؤال

الاستاذ حسن : اتفضل

المدير : هو الثعبان لما بيغير جلدو بيشترى جلد تانى منين؟

حسبي و الله و نعمل وكيل .. حراااااااااااااااااام

دوس عليه عشان يشتغل

استغراب و سؤال

مستغربة ان ازاي الاطفال اللي بيتميزوا بالبراءة بيطلع منهم وحوش و مجرمين و نصابين و كادبين

و مغرورين و طماعين و حقدين

يا تري ايه اللي بيخلي البراءة تختفي من وجوه البني ادمين؟؟

انا من وجهة نظري ان كل الحاجات دي مترطبة علي حاجة واحدةبس و هي

(الفلوس)

ايوا الفلوس اللي بتخلي الانسان الفقير يحقد علي الانسان الغني

الفلوس بتخلي الواحد اناني مبيفكرش غير في مصالحه

الفلوس اللي بتخلي الانسان يطمع علي كثرة الامتلاك و نصب و نهب حقوق الناس

الفلوس اللي بتخلي الانسان يكدب عشان يبان كويس و يبين افضل ما عنده

الفلوس اللي بتخلي الانسان يتغر علي الناس

انتوا من وجهة نظركم ايه اللي بيخلي الانسان بيتغير بشكل الفظيع ده؟؟؟

------------------------------------------------------------------------------------

بالنسبة للبوست الفات كانت اجاباتكم صحيحة بس انا كنت بفلسع من دفع الالف جنيه

قولوا وجهة نظركم انا بانتظاركم

غلاء اسعار المكالمات

الشاطر يقولي ايه اللي لسه مغالاش؟؟؟؟

فزورة بألف جنيه

جمعية الحرنكش

عمر: املوا بطنكم حرنكش ... الاسبوع الجاي مفيش حرنكش

ماهر(في فزع):ليه بقي؟؟؟

فتحي:عشان خلاص ...بح الميزانية خرمت

ماهر:مش حتكفي حتي الحرنكش؟

عمر:و انت فاكره رخيص .. ماعدش فيه حاجة رخيصة في الزمن ده

صلاح (باندفاع): لا فيه

عمر :ايه؟؟

صلاح:احنا

عمر:و الله عندك حق..ادينا اهو اربع شباب زي الفل اتخرجنا بشهادات عليا و مش لاقييتن وظيفة تلمنا

ماهر: ما اهو من خيبتنا

صلاح: لا وانت الصادق من غلبنا لا ابونا وزير و لا حتي غفير كلنا اهلنا علي قد حالهم و لحافهم ما بيكفيش حتي يغطي رجليهم

نصيحة...بسيطة

ان كرامتــك اهم بكثيـــــر من قلبك الجريــح

حتى و ان غطت دماؤه سماء هذا الكون الفسيـــــح

..فلــن يفيد ان تنـــادي حبيبا لا يسمعــــــك

وا ن تسكــــن بيتا لم يعد يـــعرفك احد فيه

ان تعيش على ذكرى انسان فرط فيــك بلا ســـبب

في الحب لا تفرط فيمن يشتريك... و لا تشتري من باعك ..و لا تحزن عليه

كل سنة و انتي مكتوب فيكي يا مدونة يا عسولة

مش مصدقة ان المدونة عجزت و تمت سنة

اول ما بدأت التدوين كان فيه بصراحة بطرمنات غباء بتدلق عليا

اول حاجة مكنتش برد علي التعليقات اللي بتجيلي

ثانيا كنت فاكرة ان لملا يجيلي تاج لازم امرره لاصحابي المدونين يأما حيزعلوا

و بعدين اول ما جاللي تاج مررته لعشرين مدون

يا ده انا عذبت المدونة و الناس

سمحوني!!!!!!!!! بليز

قصيدة حب محشش قالها لحبيبته

حبيبتي…انا من غيرك زى الشارع بدون اناره

زى التقاطع بدون اشاره

زى السلطه بدون خياره

زى السواق بدون سياره

زى الصحراء بدون بعير

زى بوش بدون بلير

زى الأهبل بدون هبلة

زى عنتر بدون عبله

انا النار وانتي الدخان

‏انا الزلزال وانتي البركان

انا من غيرك اضيع اضيع

انا من غيرك فى الشوارع بصيع

انا من غيرك زى الخروف بدون قطيع

انا من غيرك حالي فظيع

اتفضل خد بطرمان استفزاز

طبعا كالعادة بتفرج علي التلفزيون و انا بأكل و ده سبب زيادتي في الوزن

لكن امبارح نفسي اتغمت و انا باكل عشان شوفت برنامج مستضيف

الفنانة الاصيلة الجادة مش متميزة بالدلع ولا الهيافة

ندخل علي الاستفزاز

دخلت بفستان قصير جدا

و بعديت غنيت لوردة اكدب عليك اعدت اضحك

دخلت البرنامج برجليها اليمين

ملحوظة* هي بتعرف ربنا

و بدأت المذيعة تسألها او بمعني اصح تهزأها * هيفا عملتي قبل كده خطة لتوقعي رجل؟؟

هيفا*مش فهمة(دخلت في تجسيد دور عبده العبيط) اوقعه علي الارض يعني(الاستعباط حيشتغل) الصبر يا رب

سببت بس الف حالة طلاق ا

المذيعة * ايه رأيك يا هيفا في لقبك(ملكة الاغراء)؟؟؟؟

هيفا انا مش بستخدم الاغراء(ابدا هي ملكة خراب البيوت) و الناس هي اللي بتفهمني غلط(الناس عامية) الصبر يا رب

المذيعة* ممكن تتزوجي رجل تصرفي عليه؟؟؟

هيفا * لا اكيد

المذيعة* لماذا؟؟

هيفا* بحس بنقص في شخصيته كرجل

المذيعة* ايه سبب غيرة المرأة علي الرجل؟؟

هيفا* حبها( قال بتفهم في الحب) الصبر يا رب

المذيعة* كم رجل بيتقدم ليكي في الساعة؟؟؟

هيفا تضحك الضحكة المستفزة

المذيعة*ايه مواصفات فتي احلامك؟؟

محترم(يا سلام شبشب الحمام)انسان ذكي و شكله مقبول ( طبعا ) ان يكون عنده هدف

المذيعة*اللي معاه ميت الف جنيه يقدر يعمل هيفا تانية؟؟

هيفا*لا ما بيقدر لان ماما قالت ما في غير هيفا واحدة( اه لان ماما قالت ما في غير سفاله واحدة) الصبر يا رب

المذيعة * ممكن هيفا تطلب ايد رجل

هيفا* لا مش مظبوط فين حبه ليا ؟؟؟

المذيعة * ما هي اغلي شئ تمتلكي و لا تقدري ان تسغني عنها؟؟؟

هيفا* كرامتي

باي باي بدون تعليق

الشرطة

و انا جي في قطر الساعة 3 حصلي موقف لذيذ

قابلني كمسري تبت و قاللي التذكرة بليز

قلتله انا شرطه

قاللي قديمة طلع و خليك حسيس

رحت شاخط فيه و قايلله هو لازم تبقي الدبوره فوق القميص

بص يا بني انت شكللك كده مش عارف احنا مين؟؟؟؟

احنا ناكل و نركب ببلاش و لما اشخط فيك تقول امين

نؤمر و نتحكم فيها زي ما احنا عايزين

نقول شمال شمال...يمين يمين

و انت دلوقتي عامللي حقاني و فاتحللي س و ج

طب وريني لما تاخد علي قفاك مين حيرحمك مين؟؟

و لا تحب تاخد لك قلمين

راح بص و قاللي اللي ميعرفك يجهلك يا بيه

انا حرمت اقول لحد فين البونيه

مش حقول غير امين

و تتحرق السكة الحديد

و حبطلها الشغلانة ديه هو انا واخد منها ايه؟؟؟

بقطع للناس غرامة علي ايه؟

مراتي تترمل و عيالي يتيتموا و ليه؟؟؟

عشان اخر الشهر اخاد 200جنيه

راح ماشي و هو بيكلم نفسه الصراحة صعب عليا

و قلت يا ريتني ما كدبت عليه

شروط اساسية

في الصين مثلا كل عائله تنجب اكثر من طفل تعاقب بالسجن او الغرامه

وفي الصين ايضا يمنع على الاغبياء ..دخول الجامعه .. لاتعليق

وفي ايرلندا ممنوع شرب الكحول .. امام البقر !!! (يمكن تكون البقره عندهم اهم من الطفل الصغير

وفي ايرلندا ايضا ممنوع التبول في مزارع الاخريين !!(يعني خذ راحتك في مزرعتك

وفي ايطاليا ايضا يمنع على الرجل وضع يده في جيب رجل اخر !! (عند العرب هو يفتحلك الجيب و يخرمه بس

وفي سويسرا ممنوع سحب السيفون بعد العاشره ليلا !! (يعني نم بدري)

وفي سويسرا ايضا ممنوع نسيان المفاتيح في السياره ثم ترك السياره مفتوحه !! ( ياكثرهم عند العرب

وفي تايلند ممنوع مغادرة المنزل بدون ملابس داخليه !! (حفاظا على مشاعر الغير)ناس حساسة

وفي تايلند ايضا يمنع على السيارات الوقوف فوق العمله الوطنيه !! (يعني يوقف على الدولار عادي )

وفي سنغافوره ممنوع بيع او مضغ اللبان !!

وفي سنغافوره ايضا يمنع منعا باتا التبول في المصاعد !! (الله يعين الواحد يصبر )

وفي فرنسا تلزم محطات الراديو بتخصيص 80% من ساعات البث لللاغاني الفرنسيه !! ( في الام بي سي اف ام تلزم الاذاعه ببث 20% من ساعات البث للاعلانات التجاريه )

وفي استراليا ايضا يمنع التجول ليلا بملابس سوداء واحذيه مطاطيه !! ( الظاهر علشان مايصدمونك)

وفي كندا ممنوع تنظيف الجروح اما الاطفال !! (شوفوا الوعي احنا نذبح الخرفان قدامهم )

وفي مدينة تورنتو في كندا يمنع سحب اي "حصان ميت" في شارع يونج ستريت

وفي النمسا يمنع اكل الايس كريم امام البنوك!! (اذا عرف السبب بطل العجب)يبقي خليط من احمد زويل و نجيب محفوظ

)وفي انجلترا ايضا ممنوع اقامة علاقه غراميه مع زوج الملكه !! (بس عادي مع الملكه

وفي اسرائيل ممنوع السير لاكثر من 13 خطوه يوم السبت !! ( يعني خل كل شي قريب منك )

وفي اسرائيل ايضا يمنع استعمال البوق لشرب الماء يوم السبت !! ( عادي يشرب بكاس)

في جنوب افريقيا(كان) يمنع على السود التجول في جوهانسبيرج خارج ساعات الدوام !! (ويقولون انتهت العنصريه )

وفي جنوب افريقيا ايضا يمنع على الرجال السود السير باتجاه الفتيات البيض !! (ياشيخخخخخخخ طير )

في اليابان ممنوع على المراة الجلوس (مقابل) الرجل في المطاعم !! ( ناس بزنسسسس24/24 )

في روسيا يمنع استعمال الخبز لمسح الفم بعد الاكل !! ( تمسح بتوست عادي

وفي روسيا ايضا ممنوع اكل اثلج في شهر مايو ويونيو !! ( ايه علشان اللوز؟؟؟؟؟؟؟؟؟

في بوروندي يمنع اطعام القطط لمن لديه خمسة اطفال !! ( فوق الخمسه بسس , الله يعين

و في مصر يمنع بس يخالف

صورتي عروس البحر

سبحانك يارب

اختبر تركيزك

انا طبعا بحاول احسن اوضاع مصر كالعادة
و جيبة لكم لعبة تنشطكم و تركزوا في شغلكم
ده لينك لعبة تركيز متخفوش مش لعب اطفال
http://www.iol.ie/~dluby/escape.htm
عبارة انك تختبر تركيزك و تعرف درجتك
و تيجي تقولي اوعي تفتكروني حشرية
لعبة مسلية ارجو زيارتها و لعبها
اعذركم عن التأخر لفترة قصيرة

نصائح من اختكم الحبيبة من غير متتعبوه صحتكم انا عارفة اني حبيبة

للتخلص من النمل :
ضع قشر الخيار في المكان الذي يخرج منه‏النمل

للحصول على مكعبات نقية من الثلج :
إغلي الماء أولاً .

لجعل المرايا تلمع :
إمسحها بالسبير تو.

لنزع العلكة عن الملابس :
ضع الثياب في مجمد الثلاجة لمدة ساعة

لتبييض الملابس :
ضعها في ماء مغلي مضافاً إليها شريحة ليمون لمدة عشر دقائق ، ثم اغسلها

لإعطاء الشعر لمعاناً :
أضف ملعقة صغيرة من الخل للشعر ثم اغسله جيداً .

لجعل الليمون يعطي أكبر كمية من العصير :
ضعه في ماء ساخن لمدة ساعة قبل عصره .

لإزالة رائحة الملفوف أثناء الطبخ :
ضع قطعة خبز فوق الملفوف في الوعاء

لإزالة رائحة السمك من اليدين :
غسل اليدين بقليل من خل التفاح

لمنع الدمع عند تقشير البصل :
امضغ علكة .

للتأكد من صلاحية المشروم :
رش قليلاً من الملح على الفطر ، فإذا تحول لونه للون الأسود ، فإنه جيد ، وإن تحول لونه للأصفر فإنه سام .

لسلق البطاطا بسرعة :
قشر حبة البطاطا من جهة واحدة فقط قبل السلق

لسلق البيض بسرعة :
أضف قليلاً من الملح إلى الماء .

لإذابة الدجاجة المجمدة :
ضعها في ماء بارد مضافاً إليه ملعقتين كبيرتين من الملح

لمعرفة السمك الطازج :
ضعه في ماء بارد ، فإذا طفا على السطح فإنه طازج .

لمعرفة البيض الطازج :
ضع البيضة في الماء ، فإن رسبت بشكل أفقي فإنها طازجة ، وإن رسبت بشكل مائل ، فإن عمرها 3-4 أيام ، وإن رسبت بشكل عمودي ، فإن عمرها 10 أيام ، وإن طفت فإنها فاسدة .

لإزالة الحبر عن الملابس :
ضع كمية من معجون الأسنان على بقعة الحبر، واتركه حتى يجف تماماً ، ثم إغسل كالمعتاد

لتقشير البطاطا الحلوة بسرعة :
ضعها في الماء البارد فوراً بعد نضجها .

لإزالة الحشائش من جوانب الطريق :
رش الملح عليها .

للتخلص من الفئران :
رش الفلفل الأسود في الأماكن المحتمل وجود الفئران فيها ، عندها تجد الفئران تخرج هاربة بسرعة! .

لإبعاد البعوض خاصة في الليل
ضع بضع أوراق نعناع طازج قريباً من الوسادة وفي أنحاء الغرفة !

خليل البخيل و ارتفاع الاسعار

حوار يدور بين زوجين

خليل يقرأالجريدة

و يقول

هو احنا عارفين نعيش بأسعار النهارده

لما يقولوا انها ح ترتفع

ياههههه

العشربيضات

وصل سعرهم لمليم

علي العموم اللي ياكل بيض يستاهل

كل اللي يجري له

عدلات زوجته تقول*

تعال يا خليل شوف حل مع ولادك

السخاف دول

خليل البخيل*ايه يا عدلات؟

مش عارفة تربي اولادك ؟

الله يرحم امي اللي ربت

دستتين اولاد و بنات

عدلات*هو انت متربي يا خليل

خليل*قصدك ايه؟

عدلات* قصدي ان ولادك عاوزين ياكلوا بيض

ووسطوني عشان اكلمك

خليل*وانا مالي؟؟

عدلات*كيف انت مالك يا خليل؟

انت مش ابوهم

خليل*لأ مش ابوهم

عدلات* نعم ..نعم؟ تقصد ايه يا ابويا؟

انت مش جوزي

خليل* للأسف جوزك يا عدلات

عدلات* تبقي ابوهم ولازم تجيب لهم البيض

خليل*انتم فاكريني فرخة؟

اجيب لكم بيض منين؟

عدلات*من البقالة

خليل يطلب من زوجته*

طب ايدك علي اتنين مليم

عدلات* انت بتديني حاجة الا بطلوع الروح يا راجل

خليل*و انا معنديش فلوس

عدلات* يا خليل شيل البلاطة و طلع شوية فلوس تسعد بيها نفسك و اولادك

خليل*بلاطة!!!انت بتخرفي و بتقولي ايه؟؟؟

فاكرة عندي فلوس يا حصرة

عدلات* انا شفتك بنفسي و انت بتحط رزمة فلوس تحت البلاطة

من اسبوع

خليل* تبقي عينكي تعبانين و عاوزين حكيم عيون

انا داخل انام عيشة تقرف و لما اصحي عاوز اشرب شوربة فول نابت

و عدلات تدعي علي زوجها

الهي تنام ما تقوم يا بخيل

never make shopping

يوم الجمعة اليوم اللي بحس فيه بالسعادة طول حياتي

بقي اوحش يوم في حياتي

انا و ماما خرجنا كارفور

دخلت محل ساعات

كبير كبير كبير

كل حد دخل المحل

لابس بدلة والمحل

مليان نور

و ماما اعدة تتفرج علي الساعات

وانا اعدة افكر في فواتير الكهرباء

ماما سالت علي سعر ساعة

البياع المحترم

32 الف جنيه

طبعا انا و ماما خرجنا من المحل

عشان الساعة رخيصة اوي اوي

و بكل تواضع

و احنا بنشتري باكتر من كده

------------------------------------------------------------------------------------------------

دخلنا محل لبس

سالنا علي سعر بالطو

البياعة

تقول بمنتهي البساطة

خمسة الاف جنيه

انا ****** بس كده

البياعة*********** علشان حدرتك تونتي برنست سيل

انا ** مسألتش علي سعر المحل

البياعة***

هههههههههه

ههههههههه

هههههههه

ده سعر البالطو

انا******* خلاص يا ماما

اشتري لك واحد

و انا واحد

طلعت برده انا وماما من المحل

عشان السعر اهبل

و رخيص

----------------------------------------------------------------------------------------------

لو كنت مكاني حتعمل ايه؟؟؟؟

-----------------------------------------------------------------------------------------------

نصائح مني عشان متتصدمش

----------------------

-----------------------

متسألش علي سعر

متدخلش محلات

متخرجش يوم الجمعة

متفكرش تتفسح

زكية يا ام زكي

تمكنت أم زكي من العثور على المصباح السحري

وبالتالي وفر لها خادم المصباح فرصة 3 أمنيات،

ولكن لتحقيق هذه الأمنيات يحصل زوجها على 10 أضعاف كل أمنية تتمناها

وافقت أم زكي وكانت أمنيتها الأولى أن تصبح أجمل سيدة في الكون

أنذرها خادم المصباح السحري بأن زوجها أبو زكي سيصبح أجمل منها بـ 10 أضعاف

قالت الزوجة لا يهم، فسأصبح أجمل جميلات الكون وبالتالي لن يجد من هي أجمل مني

أما الأمنية الثانية فكانت أن تصبح أغنى من في الكون

وللمرة الثانية أنذرها خادم المصباح السحري بأن أبو زكي سيصبح أغنى منها بـ 10قالت أم زكي مايهم

، مافي فرق بين مال الزوج ومال الزوجة وراح تكون ثروتنا واحدةأما للأمنية الثالثة فطلبت أن تصيبها أزمة قلبية بسيطة لا تميت ولا تسبب إعاقات!!!!!!!!!الله يرحمك ياأبو زكيام زكي و هي جميلة