و انا جي في قطر الساعة 3 حصلي موقف لذيذ
قابلني كمسري تبت و قاللي التذكرة بليز
قلتله انا شرطه
قاللي قديمة طلع و خليك حسيس
رحت شاخط فيه و قايلله هو لازم تبقي الدبوره فوق القميص
بص يا بني انت شكللك كده مش عارف احنا مين؟؟؟؟
احنا ناكل و نركب ببلاش و لما اشخط فيك تقول امين
نؤمر و نتحكم فيها زي ما احنا عايزين
نقول شمال شمال...يمين يمين
و انت دلوقتي عامللي حقاني و فاتحللي س و ج
طب وريني لما تاخد علي قفاك مين حيرحمك مين؟؟
و لا تحب تاخد لك قلمين
راح بص و قاللي اللي ميعرفك يجهلك يا بيه
انا حرمت اقول لحد فين البونيه
مش حقول غير امين
و تتحرق السكة الحديد
و حبطلها الشغلانة ديه هو انا واخد منها ايه؟؟؟
بقطع للناس غرامة علي ايه؟
مراتي تترمل و عيالي يتيتموا و ليه؟؟؟
عشان اخر الشهر اخاد 200جنيه
راح ماشي و هو بيكلم نفسه الصراحة صعب عليا
و قلت يا ريتني ما كدبت عليه
4 comments:
عروس البحر
**********
جميله اوى و اللى كتبها ذكى لانه قال اللى هو عايزه و بعدين خرج من المطب ده ان الراوى كذاب
تحياتى
صباح الخير يا مصر
--------------------
عندك حق فعلا عمل فينا مقلب
لكن بجد كل شخص مصري دلوقتي عايز يبقي مهاب سواء من الفقير او الغني
فيدعي انه ظابط شرطة
تحياتي
لا حول ولا قوة الا بالله
والله دحكت كتير
:)
بس والله حرام
manalq8
-------------
كويس انك ضحكتي و انا اقول انا ليه سمعة صوت ضحك علي المدونة
تحياتي ... ارجو تكرار الزيارة
-------------------------------
Post a Comment