حوار يدور بين زوجين
خليل يقرأالجريدة
و يقول
هو احنا عارفين نعيش بأسعار النهارده
لما يقولوا انها ح ترتفع
ياههههه
العشربيضات
وصل سعرهم لمليم
علي العموم اللي ياكل بيض يستاهل
كل اللي يجري له
عدلات زوجته تقول*
تعال يا خليل شوف حل مع ولادك
السخاف دول
خليل البخيل*ايه يا عدلات؟
مش عارفة تربي اولادك ؟
الله يرحم امي اللي ربت
دستتين اولاد و بنات
عدلات*هو انت متربي يا خليل
خليل*قصدك ايه؟
عدلات* قصدي ان ولادك عاوزين ياكلوا بيض
ووسطوني عشان اكلمك
خليل*وانا مالي؟؟
عدلات*كيف انت مالك يا خليل؟
انت مش ابوهم
خليل*لأ مش ابوهم
عدلات* نعم ..نعم؟ تقصد ايه يا ابويا؟
انت مش جوزي
خليل* للأسف جوزك يا عدلات
عدلات* تبقي ابوهم ولازم تجيب لهم البيض
خليل*انتم فاكريني فرخة؟
اجيب لكم بيض منين؟
عدلات*من البقالة
خليل يطلب من زوجته*
طب ايدك علي اتنين مليم
عدلات* انت بتديني حاجة الا بطلوع الروح يا راجل
خليل*و انا معنديش فلوس
عدلات* يا خليل شيل البلاطة و طلع شوية فلوس تسعد بيها نفسك و اولادك
خليل*بلاطة!!!انت بتخرفي و بتقولي ايه؟؟؟
فاكرة عندي فلوس يا حصرة
عدلات* انا شفتك بنفسي و انت بتحط رزمة فلوس تحت البلاطة
من اسبوع
خليل* تبقي عينكي تعبانين و عاوزين حكيم عيون
انا داخل انام عيشة تقرف و لما اصحي عاوز اشرب شوربة فول نابت
و عدلات تدعي علي زوجها
الهي تنام ما تقوم يا بخيل
8 comments:
ههههههههه كلامك لذيذ جدا بجد
انا حالفنى الحظ ان اقرى كام بوست من الى كاتباهم وحسيت انك متزمره على اوضاع الحياه يعنى
اقولك حاجه
طنش تعش تنتعش
تحياتى
يعني هو ولع في نفسه تقصدي ؟
ارجو المرور علي اخر موضوعاتي في مدونة الباحث عن الحقيقة يهمني رايك
تحياتي
ابو علي
----------
اشكرك علي مرورك و ارجو تكراره
-----------------------------------
mohand
----------
هو جتله الفكرة بس
بس في الاخر كمخ و نام
تحياتي
و حجي اشوف اخر بوست
-------------------------------
ههههههههههههه
يا نهار أبيض يا قمر
ده انتى طلعتى مشكلة
انا قريت البوستات اللى فاتتنى قبل كده و قعدت أضحك
خضوضا بتاع كارفور ده فكرنى بالصدمات اللى كنت باخدها انا برضه لما باجى أعمل شوبينجججججججججج
وحشتينى و وحشتنى خفة دمك
لازم و بجد اهنيك على المدونة التحفة دي و الجو الرائع دة
و كمان البوست تحفة
زيارة أولى و إن شاء الله الباقيه تأتى
الفكر وأود أن أقول موضوع التعليق وأنيق ، هل تجعل لنفسك؟ انها رهيبة حقا!
Post a Comment