يعيش اهل بلدي

احمد فؤاد نجم

يعيش أهل بلدي
وبينهم ما فيش
تعارف
يخلي التحالف يعيش
تعيش كل طايفه
من التانيه خايفه
وتنزل ستاير بداير وشيش
لكن فى الموالد
يا شعبي يا خالد
بنتلم صحبه
ونهتف .. يعيش
يعيش أهل بلدي
يعيش المثقف على مقهى ريش
يعيش يعيش يعيش
محفلط مزفلط كتير كلام
عديم الممارسه
عدو الزحام
بكام كلمة فاضيه
وكام اصطلاح
يفبرك حلول المشاكل قوام
يعيش المثقف
يعيش يعيش يعيش
يعيش أهل بلدي
يعيش التنابله
فى حي الزمالك
وحى الزمالك
مسالك مسالك
تحاول تفكر تهوب هنالك
تودر حياتك
بلاش المهالك
لذلك إذا عزت توصف حياتهم
تقول الحياة عندنا
مش كذلك
وممكن تشوفهم فى وسط المدينه
اذا مر جنبك
أتومبيل سفينه
قفاهم عجينه
كروشهم سمينه
جلودهم بتضوي
دماغهم تخينه
سنانهم مبادر تفوت فى الجليد
ما فيش سخن بارد
بياكلوا الحديد
ما دام نهر وارد
وجاي م الصعيد
تزيد الموارد
كروشهم تزيد
وتسمع وتسلم
بأن التنابله
أو الأكالين
حيسمح كبيرهم
ويعمل مقابله
مع الفلاحين
ويحصل تحالف
ما بين الجميع
ونملا المصارف
بدم القطيع
أطيع الخليفه
أطيع والديك
أطيع التنابله
دا مفروض عليك
وتزرع وتبعت لحي الزمالك
وحي الزمالك
مسالك مسالك
تحاول تفكر تهوب هنالك
تودر حياتك بلاش المهالك
لذلك
إذا حد جاب لك سيرتهم
تبسمل تكبر
وتهتف كذلك
يعيش التنابله
يعيش يعيش يعيش
يعيش أهل بلدي
يعيش الغلابه
فى طي النجوع
نهارهم سحابه
وليلهم دموع
سواعد هزيله
لكن فيها حيله
تبدر تخضر جفاف الربوع
مكن شغل كايرو
ما يتعبش دايره
لا ياكل
ولا حتى يقدر يجوع
يا غلبان بلدنا
يا فلاح يا صانع
يا شحم السواقي
يا فحم المصانع
يا منتج
يا مبهج
يا آخر حلاوه
يا هادي
يا راضي
يا عاقل
يا قانع
ما تتعبش عقلك
فى شغل السياسه
وشوف انت شغلك
بهمه وحماسه
وعود عيالك فضيله الرضا
لأن إحنا طبعا
عبيد القضا
ورزقك ورزقي ورزق الكلاب
دا موضوع مؤجل ليوم الحساب
كمان الصحافه
حتكتب فى حالتك
وتنشر مناظر لخالك وخالتك
وتتطلع يا مسعد عليك الغناوي
وتسمع باسمك
فى قلب القهاوي
تحبك مشيره وبنات الجزيره
وقصه غرامك
تشيع فى الرداوي
يعيش عم مسعد
يعيش يعيش يعيش
يعيش أهل بلدي

لا للازعاج

الحمدلله عشان رجعتلكم و حشتوني جدا

و خلصت امتحانات و كانت حلوة

بس في كزي موقف معجبنيش

و عايزة رايكم فيه

كنت في لجنة الامتحان اول يوم

اصطبحنا

و بدأت امتحاني بالف دعا و قرات سورة الفاتحة

و بعدين خلصت طبعا بدري اصلا الامتحان ساعتان

و انا خلصت في نص ساعة

اتومتيك و حنشوف اخرة الاتومتيك ايه و النتيجة حتبقي ايه؟؟؟؟؟؟؟؟

ما علينا الموقف بقي اللي معجبنيش

الغش



مفيش غير اتنين اربعة اللي مبيغشوش و الباقي كله مقضيها

و منهم صحبتي بس كانت بتغشش

يعني مفرقتش و بعد ما خلص اامتحان

سألت صحبتي اللي كانت بتغشش *انتي كنتي بتغششي ليه؟؟

ردها*هههههههههه عشان

الرسول قال الله في عون العبد ما كان العبد في عون اخيه

و لقتها اعدة تهبل و دماغها اصغر من علبة الكبريت ومشيت و روحت و اعدة افكروانا محروق دمي

يعني ليه صحبتي كانت اعدة تغشش

حتي بالمنطق يعني هي تعد تذاكر لغاية 2 بالليل
و بعدين تغشش واحده عمرها ما فكرت تفتح كتاب

وتستلم اجابة علي الجاهز و بعدين عملت

للموقف ده ديليت من دماغي و قولت اركز في باقي الامتحانات

و اسيب الناس في حالهم

تاني يوم
-----------

الموقف بتاع الغش اتعاد تاني و انا محروق دمي و مش عارفة اشتكي و لا اعمل ايه

والمشرفة اصلا شكلها كدا


و المشرفة التانية اعدة تلعب في الموبيل

و ميلون ميسد كول في اللجنه

انها تحس و تقفل الموبيل ابدا

و الطيارات الورق اللي اعدة تطير و فيها اجابة الامتحان كله

مش عارفة المشرفات دول مدفوعلهم رشاوي و لا ايه

ما احنا بقينا في زمن التكنولبيا



ادعولي و بلاش تدعوا عليا

اجازة

انا حغيب عليكم اسبوعين كده

و حرجعلكم تاني

قوم يا بطل

اهداء الي امي الحبيبة

امي

لقد علمتنيني ان الساعة ستون دقيقة

و ان الدقيقة ستون ثانية

و ان اللحظة لا تسوي من غيرك

عيد ميلادي النهاردة

النهاردة عيد ميلادي

اللي يقرا البوست ده يجبلي مصنع شوكلاته

1-كادبوري

2-twix

3- جالكسي

4-مندولين

5-اي شوكولاته خلقت علي وجه الارض

انا وزني2كيلو

هههههههههههههه

و بقي عندي 1000000000000000 سنة

اضحك باعلي صوت

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز أيه؟ .قال له بلونة .. قال له ما قلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز أيه؟. قاله عايز بلونتين> > .....................................

--------------------------------------------------------------------------------------------

> > واحد بتاع موبيلات نظره ضعف فراح لدكتور العيون ...كشف عليه وقاله :نظرك ضعف بقى ستة ستمية

-----------------------------------------------------------------------------------------------

مره واحد بيقول لمراته اعملى حسابك هنتغدى بره جه من الشغل لقاها حطه الاكل فى الشارع

-------------------------------------------------------------------------------

واحد صعيدى قال لابوه انا عاوز موبايل ابوه قاله موافق بس بشرط تركب اخواتك معاك

----------------------------------------------------------------------------------

مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل

--------------------------------------------------------------------------------------

صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين عالباب؟؟؟؟؟؟؟؟؟؟

-------------------------------------------------------------------------

> > مره واحد صعيدى قابل واحده اجنبيه> >

سالها : انتى منين> >

قالتله: وات؟ what?>

> قالها: اجدع ناس الوتاوته

> > ومرة مدرس بيسأل تلميذ> > المدرس: الثعلب يا حبيبى بيبض ولا بيولد> > التلميذ: أصل التعلب ده يا استاذ مكار وممكن يعمل أي حاجة> >

---------------------------------------------------------------------------------------

بيقولك مره واحده حامل ابنها بيقول لها: ايه اللي في بطنك ده يا ماما ؟> > قالتله: ده ابني وبحبه قوي> > قالها: لما هو ابنك وبتحبيه اكلتيه ليه ؟

--------------------------------------------------------------

واحد كمسري بيقول لابنه تذاااااااكـــــــــــــــــــــــر .............. تنجح

--------------------------------------------------------------------

مرة مذيعة عملت عملية في ظهرها...شالولها فقرة ..و حطوا برنامج !

-----------------------------------------------------------------------------------

> > واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع!

مرة ممثل كبير جاله دور برد , رفضه !!

--------------------------------------

> > تلاتة ركبوا طيارة ....واحد صعيدي و واحد فرنساوي و واحد امريكاني> > جت المضيفة :"تشرب ايه يا فندم" رد الامريكاني قالها اشرب مانجة يا مانجا> > و رد الافرنساوي اشرب فراولة يا فراولة> > و رد الصعيدي اشرب لبن يا داموسة!!!!!!> >

----------------------------------------------------------------------------------------------

و النبي اضحك

مرة ضابط مصري وضابط اسرائيلي دار بينهم هذا الحوارالاسرائيلي: الا قوللي يا انتم بتاكلوا ايه ع الفطار؟؟ المصري: فول بالزيت.الاسرائيلي: طب بتاكلوا ايه ع الغدا؟؟؟المصري: فول بالطماطم.الاسرائيلي: أمال بتاكلوا ايه بقى ع العشا؟؟المصري: فول بالبيض.الاسرائيلي (بتريقة): أمال ايه الفرق بينكم وبين والبهايم؟؟المصري: سيناء