كالعادة و احنا بناكل كنا بنتفرج علي التليفزيون علي صديقي العزيز جورج قرداحي
برنامج من سيربح ال2 مليون عقبالكم يا رب يا حلوين
و عقبالي طبعا
خنقتكم طبعا فحدخل في الموضوع
ركزشوية افتح ودانك صحصح السؤال بيقول
ما هي اول دولة حصلت فيها المراة علي حق الاقتراع؟؟؟
تونس و لا مصر ولا لبنان و لا المغرب.....
ماما قالت تونس عشان الستات واخده هناك حقوق كتير قبل اي دوله تانيه وكمان منعوا الزواج التاني هناك
بابا قال مصر هي اللي واخدة حقوق المراة و اختي قالت بمنتهه العصبية مصر ايوا مصر طبعا وناقص كمان
كانت تقوم تغني مصر مصر تحيا مصر و ناقص كانت تدلق الرز و البامية اللي بنص كيلو ليمون
روحت انا قائلة (شوفتوا اللغة العربية) هي لبنان هي اللي وخدة حق المراة
ماما * ليه يا فالحة؟؟؟؟
انا عشان الستات في لبنان مدلعين و بيلبسوا اللي هما عاوزين
و ليهم حرية كبيرة جدا و عشان في لبنان الست بتمشي الراجل علي عجين ميلخبطوش
و عايزة ارجوكم اللي يعلق يبقي يقول الاجابة اللي حاسس انها صح
و حعيد الاختيارات تاني
مصر ولا المغرب و لا لبنان و لاتونس
اه المشترك بقي كلم و احد صاحبه مغربي فقال طبعا
المغرب و بدون اسنثناء و بمنتهي الثقة و طلع حمار
اقرا الاجابة بالشقلوب
لبنان و طلعت انا الشاطورة و الابلة ادتني ستيكرز
انتهي السؤال نراكم الحلقة القادمة
