اولا كل سنة و انتم طيبين
ندخل في الموضوع
امل سليمان العفيفي
مصرية من الزقازيق عايشة زي اي حد
متوسطة الاحوال الافتصادية
اول امرأة طالبت انها تكون مأذونة
مأذونة حاجة غريبة شوية
يلا احنا في زمن التنكولبيا
الهجوم عليها كان كتير اوي و
الردود
--------
رد الشيوخ***ليس ممنوعا شرعا
واحد من الناس*** ههههه دي ست عاطفية
واحد تاني*** فايقة و رايقة
ردكم انتوا بقي ايه؟؟؟؟
انت يا راجل تقبل ان مأذونة تقرألك الفاتحة
او تخطبللك انتي لواحدة في عائلتك متمسكة بالوظيفة دي
حتقيدها ولا ايه؟؟؟؟؟؟؟؟؟؟؟
موضوع غريب و بوست عجيب
بس انا عايزة اخذ رأيكم
11 comments:
ليه لأ
و لا أعتقد أن هناك أى تعارض مع الشرع , و من ناحية تانية , العملية بسيطة أوى , مجرد إيجاب و قبول و تحرير عقد
لكن الشىء اللطيف فى الحالة دى , هيكون سهل أوى ع الواحد إنه يخطف المنديل من إيديها بعد كتب الكتاب
:) :)
طالما شرعى يبقى زى الفل
و أهى فرصه للتغيير فى الجوازه التانيه
أنا مش أبو الدراويش
و مراتى مش شاهى
hellooooooooooooooo
جميز
-----------
ارجو تكرار زيارتك
----------------------
الدرويش
-------------
ناوي تجوز تاني
----------------------
gannahhhhhhhhhhhh
hellooooooooooooooooooo
مأذونة؟؟؟؟
ولسة
ربنا يستر
داحنا هانكسر الدنيا
فوق دماغنا
هههههه
سلاماتى لعروستى الجميلة
لي لي
----------
سعيدة جدا بمرورك علي مدونتي
احنا حنكسر الدنيا
النساء قادمون
تحياتي
---------------------------------
مأذونة
واحدة ست
هاسأل سؤال ؟
هو ليه لما واحدة ست تطلب تشتغل فى مهنة من المتعارف عليه انها خاصة بالرجال كل الستات تهيص وتهلل وتعلن الحرب على جنس الرجال اللى عاوزين يحتكروا كل حاجة ليهم
طيب لو الدولة قبلت انها تتعين مأذونة أيه المكسب فى كده سواء للستات او للمجتمع عموما ولو ما وافقتش ايه الخسارة فى كده
وليه بعض الستات بيتعاملوا مع الرجالة انهم من فريق الأعداء لازم نكسر احتكارهم لكل شيئ
واشمعنى مأزون يعنى طيب ما تشتغل اى حاجة بمؤهلها مدرسة ولا محاسبة ولا أى
حاجة
صديقينى الحياة مش كده والناس اللى بتعمل حملات فى الصحافة والاعلام على المواضيع دى ناس بتاكل عيش مصلحة يعنى او سبوبة
انا طولت عليكم
تحياتى ليكى يا قمر
البدرواي
-------------
سعدت بزيارتك بس بصراحة الخبر ده مكنش في جرنان ده كان في التلفزيون و هما جابو ه امل اللي عايزة تبقي مأذونة و هي مقتنعة جدا بعملها و سألوهاو صوروا محكمة الاسرة و هي بطالب بانها تبقي اول مأذونة مصرية
تحياتي
-----------------------------------
والله هو مادام الموضوع مش حرام يبقى مفيهوش مشاكل , هل أقبل أن المأذون بتاعي يبقى أنثى ,مفيش مشاكل طبعاً , بالعكس أنا اصلاً متفق مع أول مأذونة أنها تبقى هي اللي هتكتب كتابي , وبالمناسبة هي مش أمل دي و هي اسمها عبير , وهي متقدمة من حوالي أربع سنين , بس أمل دي أخدت تغطية إعلامية أكبر لأنها سعت لها وعبير من طراز يعمل في صمت ..
لو حابة تعرفي أكتر عن الموضوع ده , هتلاقي تفاصيل أكتر في مدونتي , أو أعملي سيرش على جوجل أو أقري آخر صفحة من المصري اليوم عدد امبارح ..
Post a Comment