اسئلة موجهة لمصرو شعبها
--------------------------
ليه يا مصر فيكي فساد؟؟؟
ليه بنستورد من بلاد تانية مصنوعات؟؟؟
حتي الاقلام الرصاص و البريات
كل سنة بحس ان هرم فيكي اتهد
فساد في الاكل و الشرب حتي في الادوية
رشاوي تزوير نصب سرق كسل
مين اللي خلي مصر كده؟؟؟
مين اللي هد منها اهرامها
و ارجو ان اللي يقرأ البوست ده
يدي نفسه درجة من عاشرة
علي عمله و صلاته و اخلاقه
و من غير احراج حتي لو حد ادي لنفسه 1 من عاشرة
المهم اننا نتحسن و نتقدم و نحط في روحنا تفاؤل
عشان نبقي احسن البلاد و الشعوب
12 comments:
حالنا بقى كده بسبب حالة السكات و الكسل ,و التواكل و اعتمادنا الدائم على أى حد غيرنا يعمل لنا شغلنا
و الإكتفاء بالبكاء و الدعاء
حالنا مش هيتغير من غير مجهودنا احنا .. مش حد تانى
تحياتى
انا عندى امل كبير جدا
فى بكرة
احمد الجيزاوى
يعني هو في الواقع يعني
اصل حضرتك بصرحه يعني
انا يعني بقول يعني
حضرتك هو بس يعني
انا يعني
في الواقع يعني
وبدون مجاملات يعني وبصراحه كده يعني وهو يعني من الأخر بقى يعني انا يعني
اقولك انا هاخد تلاته من عشره
ولو اني كنت عايز اربعه بس مش مهم كفايه تلاته بس بلاش طمع
سلاااااااااااااااااااااام
جميز
---------
اولا سعدت بزيارتك
لان كلامك مقنع جدا و لازم مجهود عشان نطور البلد
-----------------------------------
احمد الجيزواي
---------------
هو ده اللي عايزاه بلدنا الامل
-------------------------------
الشاب شنكوتي
-------------
سعدت بزيارتك و الدرجة اللي حططها
بتبين حبة تشائم عندك و شوف جواك ليه انت اديت لنفسك الدرجة دي
يعني-يعني-يعني-يعني-يعني-يعني-يعني
---------------------------------
مدونتك جميلة (:
امراة تقول الذي لا يقال
------------------------
ميرسي كللك ذوق ارجو تكرار زيارتك
---------------------------------
لو حاسبنا نفسنا باستمرار زي ما بتقولي اكيد حنتحسن
محمد عبد الجليل
------------------
اكيد حنتحسن
-------------------------
ازيك يا عروس
احب اقولك ان الفساد موجود من زمااان
بس ماكانش حد بيتكلم
واللي يحاول يتنفس مابيكملش
اللي يفوت يموت يعني
لكن انا متأكد ان بكرة احلي
ع الأقل ولادنا هيعيشوا أحسن
المهم نحسن أخلاقنا شوية
ونصارح نفسنا وبلاش نحلل الحرام
ونتمسك بدستورنا - القرآن والسنة
وبلاش كلمة معلش وكل سنة وانت طيب
وكمان بلاش نحاسب نفسنا عالهوا يا عروس
انتي عايزة تقلبيها ضلمة ولا إيه
وبعدين انتي طلبتي نقيم نفسنا ع الهوا
وانت ماقيمتيش نفسك
ممكن اعرف ليه؟
بيبو
------------
انا مقيمتش نفسي عشان مخطرش علي بالي فكرة التقييم و انا بدي دلوقتي نفسي 8من عاشرة و بلا كسوف و علي الهوا
-----------------------------------
Post a Comment