الحمدلله عشان رجعتلكم و حشتوني جدا
و خلصت امتحانات و كانت حلوة
بس في كزي موقف معجبنيش
و عايزة رايكم فيه
كنت في لجنة الامتحان اول يوم
اصطبحنا
و بدأت امتحاني بالف دعا و قرات سورة الفاتحة
و بعدين خلصت طبعا بدري اصلا الامتحان ساعتان
و انا خلصت في نص ساعة
اتومتيك و حنشوف اخرة الاتومتيك ايه و النتيجة حتبقي ايه؟؟؟؟؟؟؟؟
ما علينا الموقف بقي اللي معجبنيش
الغش
مفيش غير اتنين اربعة اللي مبيغشوش و الباقي كله مقضيها
و منهم صحبتي بس كانت بتغشش
يعني مفرقتش و بعد ما خلص اامتحان
سألت صحبتي اللي كانت بتغشش *انتي كنتي بتغششي ليه؟؟
ردها*هههههههههه عشان
الرسول قال الله في عون العبد ما كان العبد في عون اخيه
و لقتها اعدة تهبل و دماغها اصغر من علبة الكبريت ومشيت و روحت و اعدة افكروانا محروق دمي
يعني ليه صحبتي كانت اعدة تغشش
حتي بالمنطق يعني هي تعد تذاكر لغاية 2 بالليل
و بعدين تغشش واحده عمرها ما فكرت تفتح كتاب
وتستلم اجابة علي الجاهز و بعدين عملت
للموقف ده ديليت من دماغي و قولت اركز في باقي الامتحانات
و اسيب الناس في حالهم
تاني يوم
-----------
الموقف بتاع الغش اتعاد تاني و انا محروق دمي و مش عارفة اشتكي و لا اعمل ايه
والمشرفة اصلا شكلها كدا
و المشرفة التانية اعدة تلعب في الموبيل
و ميلون ميسد كول في اللجنه
انها تحس و تقفل الموبيل ابدا
و الطيارات الورق اللي اعدة تطير و فيها اجابة الامتحان كله
مش عارفة المشرفات دول مدفوعلهم رشاوي و لا ايه
ما احنا بقينا في زمن التكنولبيا
ادعولي و بلاش تدعوا عليا
9 comments:
السلام عليكم
ازيك ياعروس البحر
مبروك الاجازة ياجميل
والله يابنتى الواحد مش عاف البلد ديه ماشية ازاى
ليه الغش هو اللى بقي منتشر
انتى عارفة صاحبتك اللى بتغش ديه او حتى اللى بتغشش لما تكبر وتتجوز هيبقي عادى بالنسبة لها اوى لو غشت جوزها وكدبت عليه فى حاجات كتير
لو اشتغلت برضه هيبقي عادى لما تغش فى شغلها وتعمله اى كلام
لانها متعودتش ومعرفتش يعنى ايه حق وامانة وان الواحد اللى بيتعب بيلاقي ثمرة تعبه حاجات حلوة
لكن اللى بياخد الحاجة على الجاهز بيبقي بيغش نفسه قبل ما يغش الناس
وبنا يهدينا جميعا ياااارب
والناس تعرف ان من غشنا فليس منا
واحلى حاجة انك تكونى صادقة مع نفسك
بمعنى انك تعرفي ان ده مجهودك وده اللى انتى تعبتى فيه وهى ديه نتيجة تعبك
تحياتى ليكى ياعروس البحر ياقمر
وبعدين انتى وحشتينى ومبقتيش بتزرونى فى المدونة
سلاااام
عاشقة الوطن
------------------
سعيدة جدا بزيارتك و كلامك منطقي جدا و عاجبني تعليقك اوي و متزعليش انا بقالي فترة بزورش مدونات
ربنا يوفقك
ويعطيكى نتيجة مجهودك يارب
ويكتبك من الصالحين
بالنجاح والتوفيق باذن الله
كاميليا
كامليا
----------
سعيدة جدا لان زهرة اتيت بمدونتي
و شميت رائحتها الجميلة و تعالي كتير نفسي يجيلي حساسية
---------------------------------
السلام عليكم
ربنا يوفقك يا رب
وتفضلي كده علي طوال ومتغشيش ابدا
مهند
-----------
شكرا علي الدعوة
و ربنا يوفقنا كلنا
ازيك يا عروس البحر
***
يابنتي انتي ماتعرفيش المثل بتاع
ذاكر تنجح
غش تجيب مجموع
هتفضلي طول عمرك خايبة كده
من سهر الليالي بات للعام التالي
ومن نام وارتاح أتاه النجاح
***
المشرفة أمورة أوي
بيبو
-------
حلوة ذاكر تنجح
غش تجيب مجموع
المشرفة امورة جدا
فوق الغاية
شبه ليلي فوزي الخالق الناطق
يمكن كمان نتلخبط ما بنيهم
يا سلام
هو ده اللي مزعلك انهم بيغشوا
متزعليش
اقولك حاجه بيني وبينك
انا فضلت طول عمري مش بغش ومش بغشش حد
عارفه السنه الوحيده اللي اتزنقت في امتحان وغشيت سقطت فيها كلها
حمدت ربنا
وقلت ربنا مش عايزني انجح بالغش
لن اللي بيبنى على باطل هو باطل
وبيضيع بسهوله
تحياتي ليكي
وربنا ينجحك ويوفقك يارب
تحياتي
سلااااااااااااااااام
Post a Comment