عروس البحر

سؤال؟؟؟

ازيكم

بجد باعتذرلكم عشان مكنتش فضية اني ارد علي تعليقتكم

اصلي كنت بشوف فيلم قصدي بحفظ فيلم انت عمري

اكيد طبعا شوفتوا فيلم(انت عمري) دا من اثار الجدود

هاني سلامة كان متجوز منه شلبي وكان مصاب بالسرطان

و عنده ولد صغير و راح عاش بعيد عن ابوه و مراته و ابنه في مصحة

و نيللي كريم راقصة الباليه المشهورة برده كانت مصابه بالسرطان بس هي مكنتش متاشئمة

و كملت الرقص و اتقبلوا في المصحة و حبوا بعض

السؤال بقي

ممكن انتوا تخونوا شريك حياتكم في اخر ايام حياتكم؟؟

لا قدر الله

معلش السؤال طنح و الفيلم كئيب

و انا حظي وحش لازم اشوفه يوم عيد ميلادي و بدل ما يكون عيد ميلاد تبقي جنازة

و كل ما اشوف هاني سلامة بيعيط

اكون عايزة اقتله يلعن ابوه الفلوس اللي تخليه يعيط

وكل ما اشوف الفليم اسأل نفسي السؤال ده

بجد جاوبني انتوا ممكن تفكروا في الخيانة

عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

------------------------------
عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك
ورايح لشغلك حتحتاج مواصلها

دى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

بتوصل لشغلك بدم اتحرق فى زحمه وكتمه وحر وعرق

رئيسك سايبلك كومه ورق ده

غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعق وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت
عشان انت مصرى وده للاسفف

لازم تاسى تعيش تتقرف

وكل الاساسى فى حياتك ترفف

تنسى الكرامه وتنسى الشرف

وتسرق وتنصب او تنحر

فودمعك بيجرى وجرحك نزف

مش انت اللي مصري؟

جتك القرف