طبعا احنا بنشوف اعلان مليودي تريكس و بنسأل نفسنا
ايه هي مليودي تريكس؟؟؟
ميلودي تريكس من القنوات النصابة بتجيب اسئلة و احنا نتصل
و نجاوب عشان مخنا بيقولنا اننا ممكن نكسب من ناس بينصبوا علينا
مش كلنا اغبياء ايه الاسباب اللي بتخلي الناس تتصل و تجاوب علي الاسئلة؟؟؟
اولا بيجبوا اسئلة سهلة عشان نتصل
ثانيا المذعين و المذيعات بيغرونا بشكلهم و الفلوس اللي بيقولوا اننا حنكسبها و نطلع في الاخر مفلسين
سبب كمية الاتصالات اللي بنتصلها
مثلا شوفوا مثل
بصوا السؤال بيقول 15 +15 يساوي كام؟؟؟؟؟؟؟
ياه السؤال صعب اتصلووووووووووووووو بالاسعاف
المذيعة* اتصل اتصل جرب حظك اكيد حتكسب يلا اديلو ادي
انا بتفرج* الهي يدوكي بوكس يا بعيدة
المذيعة* معنا اتصال و اقول الوووووووووووووووو
المتصل* الو
المذيعة* الو مين معايا؟؟
المتصل *الو معاكي البشمهندس كريم
المذيعة ايوة يا كريم انت منين؟؟؟
المتصل * من القاهرة
المذيعة* سلملي علي اهللك و علي اهل القاهرة و اهل اسكندرية عشان هي عاصمة مدينتي المفضلة
المتصل* اوف اهري يا مهري و انا علي مهلي
توتتتتتتتتتتتتتتتتتتتتتتتتتتتتتتتتتتت
المذيعة* للاسف الخط اقطع
و انا بتفرج* الصدفة الباحتة الخط اقطع و هو بيشتم
المذيعة * الو مين معايا و بيكلمني منين
المتصلة* الووووو بون سوار معاكي هيفا من لبنان
انا * اكيد هيفا دي من لبنان مش من مصر
المذيعة*الو اخيرا جلنا اتصال من لبنان ايوه يا هيفا ايه اجابتك
هيفا* ......تلات
!!!توتتتتتتتتتتتتتتتتتتتتتتتتتتت
المذيعة للاسف الخط اقطع حاولي تتصلي تاني
و في لحظة ملل و ارف
زهقت وافلت التلفزيون
من ساعتها حسيت ان الناس بشعة
ان الناس بتتمني للتانين خراب البيوت
اننا مابقناش نحب بعض
اننا مش خايفين علي بعض
اننا بننصب علي بعض
طب ليه كده؟؟؟
ليه كل واحد مايعش في حاله
لازم اللي يعيش في الدنيا دي يكون عنده مخالب و انياب
ميلودي مش بتتحدي الملل ميلودي تجيب الملل
13 comments:
ههههههههههههههههه
بجد انتى دمك زى الشربات
ايه يا عم ده ؟؟؟
بس بجد عجبتنى اوى
بتاعة المذيعة اللى عمالة تقول و ترغى و اديلوا ادى !!!!!! " الهى يدوكى بوكس يا بعيدة " !!!!!!!!!! فطستنى من الضحك
فعلا القنوات دى مالهاش اى لازمة
خراب بيوت مستعجل
و للأسف فالناس الأغبيا كتير بيفتكروا انهم ممكن يكسبوا حاجة
غير صابونة
يتزحلقوا يعنى
و كل سنة و هما طيبين
هههههههههههه
تحياتى لبوستك
و اتنمى نشوفك قريب ف مدونتى
السلام عليكم
معاكي حق تجيب ملل
الحمد لله الذي عافنا من هذا
عرضك للموضوع جميل خصوصا انك اثارتي نقطه مهمه جدا
علشان تعيش في الدنيا لازم يكون عندك مخالب
انا كنت بفكر في الموضوع دا ازاي نقدر نعيش في الدنيا دي وكل شئ بقي فيها وحش
انا بحييكي علي موضوعك الجميل
وكل سنه وانتي طيبه
ورمضان كريم
فيه مثل مصرى صميم بيقول
اللى معاه مال ومحيره
يشترى حمام ويطيره
دلوقتى اتعدل المثل
يتصل بالمسابقات ويطيره
====================
أسئلتك بريئة وبتدل ان اللى ورا السطور بنى آدماية أرق من النسيم وعاوزة تشوف كل حاجة حلوة ومثالية
لكن للأسف
مرحبا بك على كوكب الأرض
الموضوع كله لا يتعدى تجارة
وفى اغلب الحالات
بيقولوا كسب مشروع
لكن فى الحقيقة هم بيلعبوا على أوتار أحلام الناس اللى محتمل تكون بسيطة
وهم مش غلطانين
فالقانون لا يحمى المغفلين
العيب على اللى بيسمح لهم باستغفاله
ويديلهم قفاه
يضربوه عليه
ويجروا ويقولوا عليك واحد
العيب على المشاهد او المستهلك اللى بيحلم بالربح السريع وهو قاعد فارد جسمه عالكنبة ادام التليفيشن
هم مش غلطانين
تحياتى يا جميلة
كل عام و انتم بخير
و اهو رمضان جه و فرصه بقا تبعدوا عن مثل هذه القنوات
رمضان كريم
بجد فعلا انك اتكلمتي عن القنوات المتخلفة ديه اللي ماشيه بنفس الطريقة و ما اكثرهم و المشكلة انها اسئلة متخلفة و اللي واقفين اصلا اكثر تخلفا بجد ان بحس اني عايز اقتل نفسي و انا بشوف الحاجات ديه و انا معدي حتى بالصدفة على القنوات ديه و ميلودي عملت قلق و في الاخر عملت قناة متخلفه و مملة زي بقية قنواتها..يلا ما علينا ربنا ياخدهم فعلا علشان يبطلوا يخنقوا علينا..يلا سلام
ههههههه
اسلوبك عسل اوي
ربنا يكرمك
فعلا عندك حق
انا بتغاظ جدا من الناس اللى بتتصل
والناس دي للاسف بتبقى متاكده انه نصب
ربنا يكرمك ياقمر
ربنا يرحمنا يارب
طبعا دي زيارتى الاولى بس انا سعيدة اوى انى دخلت المدونة بتاعتك
ميولدي مش بتتحدى الملل
ملودي بتبيع الملل في ازايز
ويخربيت الاعلاناتا بتاعت الولا المعفن التقين
ولا البنت المقززه اللى معاه
قناه تقيييييييييييييييييييله
رمضان كريم بقى
واهو هايرحمنا من ميلودي
انا بتصعب عليا لبنت اللي بتقعد تتحايل ع الناس عشان تتصل بيها
ويلا يااهل مصر واهل الشام ولبنان...يلا عشان الالف ولار لصاحب الحظ
يلا عشان مش عارف ايه
بتتعب الصراحة
وزي مانتي قولتي اهو كله نصب في نصب
كل سنة وانتي طيبة
رمضان كريم
محمد سمير
السلام عليكم
ازيك ياعروس البحر ياجميلة
انتى عندك حق ديه قنوات حرامية ونصابين وياريت الناس متاخدش على قفاها وتفضل تتصل بيهم
كل سنة وانتى طيبة ياجميل
ورمضان كريم
ايمان الطاهر
-----------
يا رب يا ايمان اشوفك علي طول بتضحكي
-----------------------------------
بوسي
----
انا بقول البلوج مالها منورة كده ليه اتاري بوسي فيها
------------------------------
شهروزة
------
ميرسي يا حلوة علي التعليق ده و و جهة نظرك صحيحة
-----------------
مراغي
فعلا رمضان اهو بكرا كل عام و انتم بخير
--------------------------------
شريف
ميرسي علي التعليق ده و فعلا كلامك صح
-------------------------------
أحذر ثم أحذر من خداع قناة ميلودى تريكس سعر الرسالة خمسة جنيهات
قناة نصابة ومعندهمش ضمير ولا دم
انا كنت فاكر سعر الرسالة 30 قرش طلعت 5 جنية للرسالة الواحدة خسرت الفين جنية فى يومين وقال اية بيقولوا كثف الرسايل ولاد النصابة
مش ميلودي بس
ده سترايك كمان
قله ادب وسفاله
بيعرفوا يضحكوا على الناس
بالاسئله التافهه
والمذيعات اللي مش محترمين
mrgkiller2020
Post a Comment